وجه وائل غنيم عبر صفحته على "فيس بوك" 9 طلبات تحت عنوان "إلى من يهمه الأمر " قاصدا بها نواب مجلس الشعب الجدد الذين فازوا في الانتخابات البرلمانية.
وحملت الرسالة 9 طلبات، كتبها غنيم كما يلي:
– كلمونا عن خطتكم لاصلاح العشوائيات اللي كتير منها محروم من الخدمات الأساسية زي الصرف الصحي.
- كلمونا عن خطتكم في محاربة الأمية في مجتمع 40% منه لا يعرف القراءة والكتابة.
- عرّفونا هتعملوا ايه في 6 مليون شاب مصري مش لاقي شغل ومش مؤهل لسوق العمل.
- اشرحولنا إزاي منظومة الصحة هتتطور في مجتمع فيه أكتر من عشرين مليون مصاب بأمراض مزمنة.
- كلّمونا عن خطتكم في إصلاح المنظومة الحكومية وحرية تداول الإنفاق الحكومي.
- وضحولنا منهجكم بخصوص الضرائب وموقفكم من ضريبة الدخل اللي بيدفعها الفقير زي الغني.
- فهّمونا إزاي هتقدروا تحاربوا ظاهرة الانفلات الأمني وفي نفس الوقت تصلحوا جهاز الداخلية.
- اطرحوا لينا حلول لمشكلة زيادة الأسعار وتفاوت الأجور في المؤسسات الحكومية.
- وضّحوا لينا رؤيتكم في مصر بعد عشر سنين وبعد عشرين سنة وبعد ثلاثين سنة من دلوقتي كفاية بقه صراعات أيدولوجية وفكرية مالهاش أي فائدة غير تقسيم المصريين.
ليست هناك تعليقات:
إرسال تعليق