هذه بعض الشعارات والهتافات اتى جمعتها من مقر الثورة بميدان التحرير وغيرها، أحببت أن أنقلها لكم لتعيشوا معنا هذا الحدث العظيم وسأوافيكم بالمزيد والجديد ان شاء الله:
قولوهاله بالعبرى مبيفهمش عربى
ارحل ارحل يا حبان يا عميل الأمريكان
ارحل ارحل يا مبارك تل أبيب فى انتظارك
ارحل ارحل يا مبارك نتنياهو فى انتظارك
ارحل ارحل يا سليمان مش عاوزينك انت كمان
يا مبارك يا فرعون انت فى كل كتاب ملعون
احلف بسماها وبترابها مبارك هو اللى خربها
شدى حيلك يا بلد الحرية بتتولد
هما بيلبسوا آخر موضة واحنا عايشين عشرة فى أوضة
ثورة ثورة يا شباب على الحاكم الكداب
شعب مصر ثور ثور على الحاكم الدكتاتور
لا طائفية ولا حزبية كلنا وحدة وطنية
هما بيكلوا فراخ وكباب واحنا عيشتنا هباب فى هباب
ارحل بقة يا عم خلى عندك دم
هيلاوهيلاوهيلاوهيلا حسنى مبارك اخره الليلة
ثورة ثورة حتى النصر ثورة فى كل شوارع مصر
لع يا مبارك لع ارحل يا دزمة
روح يا مصيلحى قول لرئيسك مش عاوزين مسامير فى رغيفك
مش هنسيبك مش هنسيبك ولا هنسيب العادلى حبيبك
مش بنخاف من الداخلية مصر بلدنا وغالية عليا
ثورتنا ثورة شعبية ضد مبارك والحرامية
الهلال ويا الصليب ارحل يا رئيس التعذيب
باسم العشرة مليون عاطل ونظامك يا مبارك باطل
لا يا مبارك يا مفلسنا انت بتعمل ايه بفلوسنا
امريكا واسرائيل بتقولك تعالى يا عميل
باسم الخمسين مليون شاب لا لمبارك والارهاب
حسبنا الله ونعم الوكيل ليس عن الرحيل بديل
اه يا حكومة هز الوسط أكلتونا العيش بالقسط
كل الشعب قالها خلاص لا لمبارك والأنجاس
يا مبارك قاعد ليه انت جبلة ولا ايه
الميدان ده مقر الثورة والحزب الواطى بره بره
قلنا ثورة للتغيير قـتـلوا اخـوانـنـا فى التـحــريــر
ارحل بقة يا عم خلى عندك دم
يا مبارك يا خسيس دم المصرى مش رخيص
يا مبارك خربت مالطة ارحل حافى من غير شنطة
الجيش والشعب ايد على ايد مصر هتدخل عهد جديد
الشعب فاق الشعب فاق كله عزيمة مفيش نفاق
يا حربية يا حربية ليكى منى الف تحية
آخر طلعة جوية رايحة بسرعة عاالسعودية
ارحل بقة ايدى بتوجعنى
فى ميدان التحرير الشعب مصر على الرحيل
مش أحزاب ولا إخوان كل الشعب فى الميدان
أوفياء أوفياء لدماء الشهداء
دم الشهداء عند مين عند مبارك العميل
السعودية خسارة فيك اسرائيل اولى بيك
حالو ياحالو الشعب كله حلو
يا مبارك يا طاغوت مش عاوزينك لو هنموت
هما يقولوا شرق وغرب واحنا نقول انصرنا يا رب
ارح ارحل زى فاروق شعبنا منك بقه مخنوق
كفاية كدب على الشباب لازم ترحل يا كداب
بنقولهالك بالملايين ارحل ارحل مش خايفين
العيشة بقت مرة عاوزين حكومة حرة
يا مبارك يا طيار جبت منين 70 مليار مش بالمصرى ده بالدولار
واحد اثنين فلوس الشعب فين
مش عوزينك مش عاوزينك دم الشهداء بينا وبينك
مش هنمشى هو يمشى
اعتصام اعتصام حتى يسقط النظام
مصر حرة وانت برة
صفيت دمنا ارحل عننا
ارحل يعنى GO يا عالم فهموه
ارحـــل كفاية دم
بـــــــــــلدى (تكرر بعد كل كلمة) اصحوا يا ناس فين الحماس فين الحرية خدنا القرار ارحل يا حمار اصحوا يا نايمين الشعب حزين
باعوا الشركات ثورتنا قوية ثورة حرية ثورة شعبية ضد الحرامية
واحد حسنى لازم يمشى
اثنين سليمان ما يحكمشى
ثلاثة حكومة ما تنفعشى
أربعة المجلس ميكملشى
خمسة دم الشهداء ميروحشى
ستة الوطنى ميرجعشى
سبعة يا حسنى متتنحشى يا حسنى متستهبلشى
ثمانية الشعب مبيهزرشى
تسعة هتمشى يعنى هتمشى
عشرة احنا الشعب المصرى
ليست هناك تعليقات:
إرسال تعليق